નિલેશ વાઘેલા
મુંબઈ: ભારત કોકિંગ કોલ (બીસીસીએલ)ના શેરનું IPO કિંમત કરતાં અધધધ... 96% ઊંચા પ્રીમિયમ પર શાનદાર લિસ્ટીંગ થયું છે. જોવા જેવી વાત એ છે કે આ શેરે ગ્રે માર્કેટને પણ થાપ અહીં છે. સામાન્ય રીતે ગ્રે માર્કેટ કરતા ઓછું અથવા નજીકના ભાવે લિસ્ટીંગ થતું હોય છે, ક્યારેક સાવ ઊંધું પણ થાય છે. જોકે આ મામલામાં લિસ્ટીંગ ખૂબ જ ઊંચા પ્રીમિયમ સાથે થયું છે.
વાસ્તવમાં BCCLનું લિસ્ટિંગ કોલસા ક્ષેત્રમાં સરકારની વ્યાપક ડિસઇન્વેસ્ટમેન્ટ યોજનાનો એક ભાગ છે, જેનો હેતુ કોલ ઇન્ડિયાની પેટાકંપનીઓમાં વેલ્યુ અનલોક કરવા અને બજાર શિસ્ત દ્વારા પારદર્શિતા વધારવાનો છે.
BCCLનો આ ઇસ્યૂ પ્રાથમિક બજાર માટે બ્લોકબસ્ટર વર્ષની પૃષ્ઠભૂમિ સામે આવ્યો છે. 2025માં, કંપનીઓએ IPO દ્વારા રેકોર્ડ રૂ. 1.76 લાખ કરોડ એકત્ર કર્યા હતા, જે મજબૂત સ્થાનિક પ્રવાહિતા, રોકાણકારોના સ્થિતિસ્થાપક સેન્ટિમેન્ટ અને સહાયક મેક્રોઇકોનોમિક વાતાવરણનું પ્રતિબિંબ છે.
ભારત કોકિંગ કોલ લિમિટેડના શેર નેશનલ સ્ટોક એક્સચેન્જ પર રૂ. 45 પ્રતિ શેર પર લિસ્ટેડ થયા, જે 95.65 ટકાનું મજબૂત પ્રીમિયમ હતું. ૧,૦૭૧ કરોડના આ ઇશ્યૂની પ્રાઇસ બેન્ડ પ્રતિ શેર રૂ. ૨૧-૨૩ હતો.
જ્યારે બીએસઈ પર, કંપનીના શેર રૂ. ૪૫.૨૧ના ભાવે લિસ્ટ થયા હતા, જે ૯૬.૫૭ ટકા પ્રીમિયમ હતું. શેરની લિસ્ટિંગ પછી કંપનીનું બજાર મૂડીકરણ રૂ. ૨૧,૦૫૪.૩૦ કરોડ થયું હતું.
આમ, ભારત કોકિંગ કોલના શેરની શરૂઆત, ૨૦૨૬નો પ્રથમ મેઇનબોર્ડ ઇશ્યૂ, ગ્રે માર્કેટની અપેક્ષાઓ કરતાં વધી ગયો, જેમાં લગભગ ૬૦% લિસ્ટિંગ લાભની અપેક્ષા હતી.
નોંધવું રહ્યું કે, (બીસીસીએલ) આઈપીઓ શુક્રવારે બિડિંગ માટે ખુલ્યાના થોડી મિનિટોમાં જ સંપૂર્ણ રીતે સબસ્ક્રાઇબ થઈ ગયો હતો, અગાઉ કંપનીએ એન્કર રોકાણકારો પાસેથી રૂ. ૨૭૩ કરોડથી વધુ એકત્ર કર્યા હતા.
