દિક્ષિતા મકવાણા

જો તમે પણ આ ઉનાળામાં કંઈક સ્વસ્થ, સ્વાદિષ્ટ અને તાજગીભર્યું અજમાવવા માગતા હો, તો ઘરે બનાવેલ સુગર-ફ્રી આઈસક્રીમ તમારા માટે યોગ્ય પસંદગી છે. તે બનાવવામાં જેટલી જ મજા આવે છે તેટલું જ સરળ છે. સૌથી સારી વાત એ છે કે, તેને ખાધા પછી તમને ચિંતા થશે નહીં. ચાલો આ સ્વસ્થ, સુગર-ફ્રી આઈસ્ક્રીમ બનાવવાની સરળ રેસીપી શોધીએ.

ઉનાળાની ઋતુ આવતાની સાથે જ વ્યક્તિ  ઠંડી વાનગીઓની ઝંખના કરવા લાગે છે. આકરો તડકો, વધતા તાપમાન અને પરસેવાથી ભરેલા દિવસોમાં જો કોઈ વસ્તુ સાચી સાંત્વના આપે છે, તો તે છે ઠંડકની અનુભૂતિ. આવા સમયમાં ‘આઈસક્રીમ’ નો ફક્ત ઉલ્લેખ બાળકોથી લઈને પુખ્ત વયના લોકો સુધી દરેકના ચહેરા પર સ્મિત લાવે છે. 

જો કે મોટાભાગની આઈસક્રીમ ખાંડ, પ્રિઝર્વેટિવ્સ અને બિનઆરોગ્યપ્રદ ચરબીથી ભરેલી હોય છે, જે વ્યક્તિના સ્વાસ્થ્ય માટે હાનિકારક સાબિત થઈ શકે છે.

આ જોતાં જો તમે તમારા સ્વાસ્થ્યને પ્રાથમિકતા આપવા માગતા હો, તો સુગર-ફ્રી આઈસક્રીમ એક ઉત્તમ વિકલ્પ તરીકે કામ કરે છે. તે માત્ર સ્વાદિષ્ટ જ નથી પણ સ્વાસ્થ્યની દ્રષ્ટિએ પણ ખૂબ ફાયદાકારક છે. 

સૌથી સારી વાત એ છે કે તમે તમારી પસંદગીઓ અને આહારની જરૂરિયાતોને અનુરૂપ ઘટકોનો ઉપયોગ કરીને તેને ઘરે સરળતાથી બનાવી શકો છો. અહીં અમે તમારી સાથે આ સ્વસ્થ આઈસ્ક્રીમ બનાવવાની રેસીપી શેર કરીશું.

આ આઈસક્રીમ માત્ર અતિ સ્વાદિષ્ટ જ નથી પણ સંપૂર્ણપણે સુગર-ફ્રી પણ છે. આ આઈસક્રીમ ઉત્તમ સ્વાદ અને સ્વાસ્થ્યના લાભોનું સંપૂર્ણ મિશ્રણ આપે છે,આનો અર્થ એ છે કે તમે ઉનાળા દરમિયાન આ આઈસક્રીમનો સ્વાદ કોઈ પણ ચિંતા વગર માણી શકો છો!

કેળા આઈસક્રીમ

તમે ઘરે સરળતાથી કેળા આઈસક્રીમ બનાવી શકો છો. આ માટે તમારે 2 પાકેલા કેળા, 1/2 કપ દૂધ (અથવા બદામનું દૂધ) અને 1/2 ચમચી વેનીલા એસેન્સની જરૂર પડશે. પહેલા કેળાના ટુકડા કરો અને તેને 4થી 5 કલાક માટે ફ્રીઝ કરો. 

હવે તેને દૂધ અને વેનીલા એસેન સાથે બ્લેન્ડરમાં મૂકો અને જ્યાં સુધી તમને સ્મૂધ પેસ્ટ ન મળે ત્યાં સુધી બ્લેન્ડ કરો. તેને ફરીથી એક કલાક માટે ફ્રીઝ કરો, પછી ઠંડુ કરીને પીરસો.

મેંગો દહીં આઈસક્રીમ

મેંગો દહીં આઈસક્રીમ બનાવવા માટે, 1 કપ કેરીનો પલ્પ, 1/2 કપ જાડું દહીં અને 1થી 2 ખજૂર (કુદરતી મીઠાશ માટે) લો. આ બધી સામગ્રીને બ્લેન્ડરના જારમાં નાખો અને તેને એકસાથે બ્લેન્ડ કરો. હવે આ મિશ્રણને આઈસક્રીમ ટ્રે અથવા ‘કુલ્ફી’ મોલ્ડમાં રેડો અને 5થી 6 કલાક માટે ફ્રીઝ કરો. તેને સ્કૂપ કરો અને પીરસો.

સ્ટ્રોબેરી કોકોનટ આઈસક્રીમ

સ્ટ્રોબેરી કોકોનટ આઈસક્રીમ બનાવવા માટે તમારે 1 કપ તાજી અથવા ફ્રોઝન સ્ટ્રોબેરી, 1/2 કપ નારિયેળનું દૂધ અને 2થી 3 ખજૂરની જરૂર પડશે (કુદરતી મીઠાશ માટે). પહેલા સ્ટ્રોબેરીના ટુકડા કરો અને તેને 2થી 3 કલાક માટે ફ્રીઝ કરો. હવે સ્ટ્રોબેરી, નારિયેળનું દૂધ અને ખજૂરને બ્લેન્ડરમાં મૂકો. મિશ્રણ સ્મૂધ અને ક્રીમી બને ત્યાં સુધી બ્લેન્ડ કરો. મિશ્રણને એક ક્ધટેનરમાં રેડો અને 4થી 5 કલાક માટે ફ્રીઝ કરો, પછી તેને સ્કૂપ કરીને ઠંડુ કરીને પીરસો.

ચોકલેટ પીનટ બટર આઈસક્રીમ

આ આઈસક્રીમ તૈયાર કરવા માટે તમારે 2 ફ્રોઝન કેળા, 1 ચમચી પીનટ બટર અને 1 ચમચી કોકો પાવડરની જરૂર પડશે. હવે બધી સામગ્રીને એકસાથે બ્લેન્ડ કરો. જ્યાં સુધી તે ક્રીમી ટેક્સચર ન મેળવે ત્યાં સુધી મિક્સ કરો. 

તમે તેને તરત જ ખાઈ શકો છો, અથવા જો તમે ઇચ્છો તો તમે તેનો આનંદ માણતા પહેલા તેને થોડા સમય માટે ફ્રીઝ કરી શકો છો. આ ઉત્તમ સ્વાદ અને સ્વાસ્થ્યના લાભોનું સંપૂર્ણ મિશ્રણ આપે છે, જે ઉનાળાના મહિનાઓ દરમિયાન તમને તાજગી આપે છે.