ન્યૂ યોર્ક : સંયુક્ત રાષ્ટ્ર મહાસભામાં પાકિસ્તાનના વડા પ્રધાન શહેબાઝ શરીફના ભાષણ પર ભારતે જોરદાર જવાબ આપ્યો. સંયુક્ત રાષ્ટ્રમાં ભારતના કાયમી મિશનના ફર્સ્ટ સેક્રેટરી પેટલ ગેહલોતે ભારતના જવાબો આપવાના અધિકારનો ઉપયોગ કરીને પાકિસ્તાન પર નિશાન સાધ્યું.

પેટલ ગેહલોતે કહ્યું, 'આજે બપોરે મહાસભાએ પાકિસ્તાનના પ્રતિનિધિની કેટલીક વિચિત્ર ટિપ્પણીઓ સાંભળી. આ એવા સમયે બન્યું છે, જ્યારે ન્યૂ યોર્ક શહેર અને દુનિયાએ 9/11 ના આતંકવાદી હુમલાની 25મી વર્ષગાંઠ મનાવી છે.'

તેમણે કહ્યું કે આ સંદર્ભ ધ્યાનમાં રાખવો ખૂબ જરૂરી છે, કારણ કે 9/11 ના હુમલાનો માસ્ટરમાઇન્ડ ઓસામા બિન લાદેન પાકિસ્તાની સેનાની મુખ્ય અકાદમીની બિલકુલ નજીક રહેતો હતો. તેમણે કહ્યું કે આજે પાકિસ્તાનના પ્રતિનિધિએ આ જ સંસ્થા સામે ઊંડી શ્રદ્ધા વ્યક્ત કરી છે. પેટલ ગેહલોતે કહ્યું કે આ બધું તે જ વાત પરથી અપેક્ષિત છે, જેને ખુદ પાકિસ્તાનના લોકો 'ફોર્મ 47 સરકાર' કહે છે.

સેનાનુ, સેના દ્વારા અને સેના માટે શાસન

પેટલ ગેહલોતે કહ્યું, 'અમે લોકતાંત્રિક અધિકારો અને માનવીય મૂલ્યો પર એવા શાસન તરફથી પાખંડી ઉપદેશો સાંભળ્યા છે, જેની રાજધાની આ સમયે પોતાના જ લોકો સામે મજબૂત કરવામાં આવી રહી છે. અને આવું એટલા માટે થઈ રહ્યું છે કારણ કે આ સેનાનું, સેના દ્વારા અને સેના માટેનું શાસન છે. તેમની કઠપૂતળીઓ આવતી-જતી રહી શકે છે, પરંતુ આપણે એ ભ્રમમાં ન રહેવું જોઈએ કે નિર્ણયો કોણ લે છે.'

જમ્મૂ-કાશ્મીર પર ભારતનો જવાબ

પેટલ ગેહલોતે ભારતીય સંઘના કેન્દ્ર શાસિત પ્રદેશ જમ્મૂ-કાશ્મીરનો પણ ઉલ્લેખ કર્યો. તેમણે કહ્યું, 'આ મારા દેશનો અભિન્ન અને અવિભાજ્ય હિસ્સો છે અને હંમેશા રહેશે' 

શું છે ફોર્મ 47 સરકારનો અર્થ

'ફોર્મ 47 સરકાર' પાકિસ્તાનમાં ઉપયોગમાં આવતો એક રાજકીય શબ્દ છે, જેનો ઉપયોગ પાકિસ્તાન તહેરીક-એ-ઇન્સાફ (PTI) જેવી વિપક્ષી પાર્ટીઓ પ્રધાનમંત્રી શહબાઝ શરીફની ગઠબંધન સરકાર માટે કરે છે. ફોર્મ 47 પાકિસ્તાન ચૂંટણી પંચનો આધિકારિક દસ્તાવેજ છે. જેનો ઉપયોગ કોઇ મતવિસ્તારના અનકન્ફર્મ પરીણામોને રજિસ્ટર કરવા માટે કરવામાં આવે છે. આ પ્રક્રિયા અંતિમ વેરિફિકેશન પહેલા કરવામાં આવે છે.

વિદેશ સેવાથી શરૂ થયો પ્રવાસ

પેટલ ગેહલોત ભારતીય વિદેશ સેવા (IFS)ના અધિકારી છે. તેમણે 2015માં IFS જોઇન કર્યું હતું. ગેહલોતે મુંબઈની સેન્ટ ઝેવિયર્સ કોલેજમાંથી રાજ્યશાસ્ત્ર, સમાજશાસ્ત્ર અને ફ્રેન્ચ સાહિત્યમાં સ્નાતક (ગ્રેજ્યુએશન)નો અભ્યાસ કર્યો. આ પછી તેમણે દિલ્હીની લેડી શ્રીરામ કોલેજ ફોર વુમનમાંથી રાજ્યશાસ્ત્રમાં માસ્ટર ડિગ્રી મેળવી. તેમને રાજ્યશાસ્ત્રમાં ગોલ્ડ મેડલ પણ મળ્યો.

પેરિસથી સાન ફ્રાન્સિસ્કો સુધી નિભાવી જવાબદારીઓ

IFSમાં આવ્યા પછી ગેહલોતે વિદેશ મંત્રાલયમાં કામ કર્યું. આ પછી તેમની નિયુક્તિ પેરિસ સ્થિત ભારતીય દૂતાવાસમાં થઈ, જ્યાં તેમણે થર્ડ સેક્રેટરી અને બાદમાં સેકન્ડ સેક્રેટરી તરીકે જવાબદારી સંભાળી.