જાપાનના સૌથી મોટા અને સૌથી વધુ વસ્તી ધરાવતા ટાપુ હોન્શુના પૂર્વી કિનારા નજીક 6.2 ની તીવ્રતાનો ભૂકંપ આવ્યો. ભૂકંપથી પ્રદેશના રહેવાસીઓ ભયભીત થઈ ગયા હતા. જોકે, સુનામીની કોઈ ચેતવણી જારી ન કરવામાં આવી તે રાહતની વાત હતી. અધિકારીઓએ તાત્કાલિક પરિસ્થિતિ પર નજર રાખવાનું શરૂ કર્યું અને લોકોને સતર્ક રહેવા વિનંતી કરી. જાપાન સરકારે પણ આ ઘટનાની ગંભીરતાથી નોંધ લઈને પગલાં લેવાના શરૂ કરી દીધા છે. 

કેટલી રહી હતી તીવ્રતા

ગુરુવારે આવેલા ભૂકંપની તીવ્રતા 6.2 માપવામાં આવી હતી. ભૂકંપ જમીનથી આશરે 10 કિલોમીટર નીચે આવ્યો હતો, જેના કારણે ઘણા વિસ્તારોમાં તીવ્ર ધ્રુજારી અનુભવાઈ હતી. લોકો તેમના ઘર અને ઓફિસોમાંથી બહાર દોડી આવ્યા હતા. જોકે, હજુ સુધી કોઈ મોટા નુકસાન કે જાનહાનિના અહેવાલો સામે આવ્યા નથી. જર્મન રિસર્ચ સેન્ટર ફોર જીઓસાયન્સિસ (GFZ) એ ભૂકંપની તીવ્રતા 6.2 નોંધી છે. ભૂકંપ સ્થાનિક સમય મુજબ રાત્રે 11:18 વાગ્યે આવ્યો હતો. જાપાનના ભૂકંપની તીવ્રતા સ્કેલ પર, મહત્તમ 4 ની તીવ્રતા નોંધાઈ હતી, જે અસરગ્રસ્ત વિસ્તારોમાં મધ્યમ કંપન થયું હોવાના અહેવાલ છે. 

સુનામી અંગે ખાસ કોઈ ચેતવણી નહીં. 

ભૂકંપ પછી, સૌથી વધુ ચિંતા સુનામીની શક્યતા પર કેન્દ્રિત હતી, જોકે અધિકારીઓએ સ્પષ્ટતા કરી હતી કે આ ભૂકંપ પછી સુનામીની કોઈ ચેતવણી જારી કરવામાં આવી નથી. આનાથી લોકોને થોડી રાહત મળી છે. તેમ છતાં, વહીવટીતંત્રે દરિયાકાંઠાના વિસ્તારોમાં દેખરેખ વધારી દીધી છે. આ પહેલા, બુધવારે રાત્રે બીજો ભૂકંપ - 4.2 ની તીવ્રતાનો - નોંધવામાં આવ્યો હતો. તે હ્યોગો પ્રીફેક્ચરના દક્ષિણપૂર્વીય ક્ષેત્રમાં 20 કિલોમીટરની ઊંડાઈએ આવ્યો હતો. આ સ્પષ્ટપણે દર્શાવે છે કે આ પ્રદેશમાં ભૂકંપની ગતિવિધિઓ તીવ્ર બની છે. હાલમાં, વહીવટીતંત્ર પરિસ્થિતિ પર નજીકથી નજર રાખી રહ્યું છે અને જરૂર પડ્યે સલામતીના પગલાં અમલમાં મૂકવા માટે તૈયાર છે. ભારતીય સમય અનુસાર સાંજે 7.48 વાગ્યે આ ભૂકંપ આવ્યો હતો.