વાનખેડે સ્ટેડિયમમાં નેપાળે સ્કૉટલૅન્ડને સાત વિકેટે હરાવીને આ વર્લ્ડ કપમાં પ્રથમ જીત મેળવવાની સાથે વિદાય લીધી છે. સ્કૉટલૅન્ડે સાત વિકેટે 170 રન કર્યા બાદ નેપાળની ટીમ દીપેન્દ્ર એઇરી (50 અણનમ 50, 23 બૉલ ત્રણ સિક્સર, ચાર ફોર) તથા કુશાલ ભુર્ટેલ (43 રન, 35 બૉલ, ચાર સિક્સર, એક ફોર)ની ઇનિંગ્સની મદદથી 19.2 ઓવરમાં ત્રણ વિકેટે 173 રન કરીને બહુમૂલ્ય વિજય મેળવ્યો હતો. નેપાળ પાછલી ત્રણેય મૅચ હરીફોને સંઘર્ષ કરાવ્યા બાદ હાર્યું હતું. સ્કૉટલૅન્ડે પણ ત્રણ પરાજય સાથે વિદાય લીધી છે.

ભારત અને ફ્રાન્સ વચ્ચે  વ્યૂહાત્મક ભાગીદારીને નવી ઊંચાઈઓ તરફ આગળ વધી રહી છે. ત્યારે  મુંબઈમાં ફ્રાન્સના રાષ્ટ્રપતિ ઇમેન્યુઅલ મેક્રોન અને વડા પ્રધાન મોદી વચ્ચે દ્વિપક્ષીય બેઠક દરમિયાન સંરક્ષણ, ટેકનોલોજી, નવીનતા અને ઉર્જા ક્ષેત્રોમાં 20 થી વધુ કરારો થયા છે.

ભારત અને ફ્રાન્સ વચ્ચે  વ્યૂહાત્મક ભાગીદારીને નવી ઊંચાઈઓ તરફ આગળ વધી રહી છે. ત્યારે  મુંબઈમાં ફ્રાન્સના રાષ્ટ્રપતિ ઇમેન્યુઅલ મેક્રોન અને વડા પ્રધાન મોદી વચ્ચે દ્વિપક્ષીય બેઠક દરમિયાન સંરક્ષણ, ટેકનોલોજી, નવીનતા અને ઉર્જા ક્ષેત્રોમાં 20 થી વધુ કરારો થયા છે.

નવી દિલ્હીમાં આયોજિત ઈન્ડિયા એઆઈ સમિટ 2026  દરમિયાન પીએમ મોદીએ મીડિયા સાથે ખાસ વાતચીત કરી છે. પીએમ મોદી ભારતને ત્રણ વૈશ્વિક એઆઈ સુપરપાવર્સમાંનું એક ગણાવ્યું છે અને 2047 ના વિઝન વિશે વાત કરી છે. તેમણે કહ્યું છે કે ભારત પાસે એઆઇનું વૈશ્વિક પાવર હાઉસ બનવાની ક્ષમતા અને ઉર્જા  ધરાવે છે.

નવી દિલ્હીના ભારત મંડપમ ખાતે ચાલી રહેલી 'ઈન્ડિયા AI ઈમ્પેક્ટ સમિટ'માં બિલ ગેટ્સની હાજરી અંગેની અટકળોનો અંત આવ્યો છે. ગેટ્સ ફાઉન્ડેશનના પ્રવક્તાએ સ્પષ્ટતા કરી છે કે બિલ ગેટ્સ નિર્ધારિત કાર્યક્રમ મુજબ સમિટમાં ભાગ લેશે અને પોતાનું મુખ્ય વક્તવ્ય આપશે. અગાઉ જેફરી એપ્સટાઈન સાથે જોડાયેલા વિવાદાસ્પદ દસ્તાવેજોમાં નામ હોવાને કારણે તેમનું આમંત્રણ રદ થયાની ચર્ચાઓ વહેતી થઈ હતી, પરંતુ હવે તેમની સહભાગીતાની સત્તાવાર પુષ્ટિ થઈ ગઈ છે.

બાંગ્લાદેશમાં 18  મહિના બાદ  નવી સરકારની રચના થઇ છે. જેમાં  તારિક રહેમાને  વડાપ્રધાન તરીકે શપથ લીધા છે. બાંગ્લાદેશમાં વર્ષ 2014 માં શેખ હસીનાની સરકારના પતન બાદ  વ્યાપક હિંસા ફેલાઈ હતી. તેમજ  મુહમ્મદ યુનુસે બાંગ્લાદેશના મુખ્ય સલાહકાર  તરીકે પણ સેવા આપી હતી. મુહમ્મદ યુનુસે સોમવારે રાજીનામું આપ્યું હતું.

દેશમાં ચલાવવામાં આવી રહેલા નકસલ મુક્ત અભિયાન અંતર્ગત છત્તીસગઢમાં સુરક્ષાદળોને મોટી સફળતા મળી છે. જેમાં સુકમા જિલ્લામાં 22 નક્સલીઓએ હિંસા છોડીને સુરક્ષા દળો સમક્ષ આત્મસમર્પણ કર્યું છે. જેમાં એક મહિલા નક્સલીનો પણ સમાવેશ થાય છે.

શ્રીલંકાના પલ્લેકેલમાં ઝિમ્બાબ્વે અને આયરલૅન્ડ વચ્ચે ટી-20 વર્લ્ડ કપની ગ્રૂપ-બીની મૅચમાં વરસાદને કારણે રમત શરૂ નથી થઈ શકી અને ઓછામાં ઓછી પાંચ-પાંચ ઓવરના મુકાબલા માટે કટ-ઑફ ટાઇમ સાંજે 6.15 વાગ્યાનો છે. જો આ મૅચ વરસાદને લીધે તેમ જ મેદાન ભીનું હોવાને કારણે કે ખરાબ પ્રકાળને લીધે નહીં રમાય તો આ ગ્રૂપમાંથી ઝિમ્બાબ્વે સુપર-એઇટ રાઉન્ડમાં પહોંચી જશે અને ભૂતપૂર્વ ચૅમ્પિયન ઑસ્ટ્રેલિયા તેમ જ આયરલૅન્ડ આ વર્લ્ડ કપની બહાર થઈ જશે. પૅટ કમિન્સ અને મિચલ માર્શ વિનાની ઑસ્ટ્રેલિયન ટીમ માટે શરૂઆતથી જ આ વિશ્વ કપ ખૂબ સંઘર્ષભય રહ્યો છે.

શ્રીલંકાના પલ્લેકેલમાં ઝિમ્બાબ્વે અને આયરલૅન્ડ વચ્ચે ટી-20 વર્લ્ડ કપની ગ્રૂપ-બીની મૅચમાં વરસાદને કારણે રમત શરૂ નથી થઈ શકી અને ઓછામાં ઓછી પાંચ-પાંચ ઓવરના મુકાબલા માટે કટ-ઑફ ટાઇમ સાંજે 6.15 વાગ્યાનો છે. જો આ મૅચ વરસાદને લીધે તેમ જ મેદાન ભીનું હોવાને કારણે કે ખરાબ પ્રકાળને લીધે નહીં રમાય તો આ ગ્રૂપમાંથી ઝિમ્બાબ્વે સુપર-એઇટ રાઉન્ડમાં પહોંચી જશે અને ભૂતપૂર્વ ચૅમ્પિયન ઑસ્ટ્રેલિયા તેમ જ આયરલૅન્ડ આ વર્લ્ડ કપની બહાર થઈ જશે. પૅટ કમિન્સ અને મિચલ માર્શ વિનાની ઑસ્ટ્રેલિયન ટીમ માટે શરૂઆતથી જ આ વિશ્વ કપ ખૂબ સંઘર્ષભય રહ્યો છે.

ફ્રાન્સના રાષ્ટ્રપતિ ઇમેન્યુઅલ મેક્રોન અને ફર્સ્ટ લેડી બ્રિજિટ મેક્રોન મંગળવારે ભારતની મુલાકાત માટે મુંબઈ પહોંચ્યા. મહારાષ્ટ્રના રાજ્યપાલ આચાર્ય દેવવ્રત અને મુખ્યમંત્રી દેવેન્દ્ર ફડણવીસે મુંબઈ એરપોર્ટ પર ફ્રાન્સના રાષ્ટ્રપતિનું સ્વાગત કર્યું હતું.  પીએમ મોદી મુંબઈમાં મેક્રોનને મળ્યા હતા. તેમજ  સંરક્ષણ સહયોગ સહિતના મુદ્દાઓ પર ચર્ચા  કરી હતી.

નેશનલ ગ્રીન ટ્રિબ્યુનલ ની છ સભ્યોની ખાસ બેન્ચે કેન્દ્રના મહત્વાકાંક્ષી ગ્રેટ નિકોબાર મેગા ઇન્ફ્રાસ્ટ્રક્ચર પ્રોજેક્ટને મંજૂરી આપી છે. આ પ્રોજેક્ટના વિરોધ વચ્ચે એનજીટીએ જણાવ્યું છે કે  પ્રોજેક્ટની પર્યાવરણીય મંજૂરી માટે યોગ્ય સલામતીના પગલાં લેવામાં આવ્યા છે. આ સુનાવણી દરમિયાન બેન્ચે પ્રોજેક્ટના વ્યૂહાત્મક મહત્વનો પણ ઉલ્લેખ કર્યો. એનજીટી દ્વારા પ્રોજેક્ટની પર્યાવરણીય મંજૂરી પર પુનર્વિચાર કરવા માટે સોંપવામાં આવેલી હાઈ- પાવર  સમિતિ દ્વારા આ મુદ્દાઓની તપાસ કરવામાં આવી હતી.

સતત સાડા ત્રણ માસ ચાલેલી SIRની અસરકારક કામગીરી બાદ આખરી મતદાર યાદી પ્રસિદ્ધ થઈ હતી. મુસદ્દા મતદારયાદી પ્રસિદ્ધ થયા પહેલા રાજ્યમાં કુલ 5,08,43,436 મતદાર નોંધાયેલા હતા. મુસદ્દ મતદારયાદી પ્રસિદ્ધ થયા બાદ કુલ મતદારોની સંખ્યા 4,34,70,109 રહેવા પામી હતી અને આખરી મતદાર યાદીમાં 4,40,30,725 મતદારોના નામ રહેવા પામ્યા છે. આમ, મુસદ્દા મતદાર યાદીની પ્રસિદ્ધિ બાદ 5.60 લાખ મતદારોનો વધારો આખરી મતદાર યાદીમાં થયો છે.

પ્રસિદ્ધ બોલીવૂડ ફિલ્મોના લેખક સલીમ ખાનને લીલાવતી હૉસ્પિટલમાં દાખલ કરવામાં આવ્યા છે. સલીમ ખાન આઈસીયુમાં હોવાની માહિતી સૂત્રો દ્વારા મળી હતી. જાવેદ અખ્તર સાથે જોડી જમાવી સુપરહીટ ફિલ્મો લખનારા સલીમ બોલીવૂડ સ્ટાર સલમાન ખાનના પિતા છે. સલમાન ખાન સહિત પરિવાર બાન્દ્રા ખાતેની લીલાવતી હૉસ્પિટલમાં જોવા મળ્યો હતો.

આજે વિધાનસભા સત્રના બીજા દિવસે આમ આદમી પાર્ટીના ધારાસભ્યો દ્વારા વિધાનસભાની કાર્યવાહીનું પ્રસારણ લાઈવ કરવામાં આવે તે માટે સૂત્રોચ્ચાર કરી માંગ કરવામાં આવી હતી. આપના ધારાસભ્યો ગોપાલ ઈટાલિયા, હેમંત ખવા, સુધીર વાઘાણી અને ચૈતર વસાવાએ હાથમાં વિધાનસભા સત્રનું પ્રસારણ લાઈવ કરો તેવા બેનરો સાથે આવ્યા હતા.

ટી-20 વર્લ્ડ કપમાં સોમવારે શ્રીલંકાના પથુમ નિસન્કા (100 અણનમ ) પછી આજે ટૂર્નામેન્ટમાં બીજી સેન્ચુરી ફટકારવામાં આવી જેમાં કૅનેડાના યુવરાજ સામરા (110 રન, 65 બૉલ, છ સિક્સર, અગિયાર ફોર) એ ન્યૂ ઝીલેન્ડના અનુભવી બોલર્સનો સામનો કરીને સદી ફટકારી. કૅનેડાએ ચાર વિકેટે 173 રન કરીને કિવીઓને 174 રનનો પડકારરૂપ લક્ષ્યાંક આપ્યો છે અને ન્યૂ ઝીલૅન્ડે ધમાકેદાર શરૂઆત કરી છે.

ગુજરાત દુકાન અને સંસ્થા (રોજગાર નિયમન અને સેવાની શરતો) (સુધારા) વિધેયક, ૨૦૨૬, ગુજરાત આતંકવાદ અને સંગઠિત ગુના નિયંત્રણ (સુધારા) વિધેયક, ૨૦૨૬ તથા સૌરાષ્ટ્ર ઘરખેડ, ગણોત વહીવટ પતાવટ અને ખેતીની જમીન ( ગુજરાત સુધારા) વિધેયક, ૨૦૨૬ રજૂ થયા હતા.

ગુજરાતમાં બોમ્બની ધમકીનો સિલસિલો યથાવત જોવા મળ્યો છે. વડોદરાના સ્કૂલ બાદ હવે કોર્ટને બોમ્બથી ઉડાવી દેવાની ધમકી મળી છે. તે ઉપરાંત ગાંધીનગર સેસન્સ અને વલસાડ જિલ્લા કોર્ટને પણ બોમ્બથી ઉડાવી દેવાની ધમકી મળતા ખળભળાટ મચી ગયો છે.

ગુજરાતમાં કોસ્ટ ગાર્ડ અને એટીએસ દ્વારા અરબી સમુદ્રમાં સંયુક્ત ઓપરેશન પાર પાડવામાં આવ્યું છે. આ કાર્યવાહી દરમિયાન બે પાકિસ્તાનીઓની કરોડોના ડ્રગ્સ સાથે ધરપકડ કરવામાં આવી હતી.

પંજાબના મુખ્ય પ્રધાન ભગવંત માન જે હોસ્પિટલમાં દાખલ છે તેને ઉડાવી દેવાની ધમકી મળતાં  સુરક્ષા એજન્સીઓએ હોસ્પિટલ ઘેરી તપાસ શરૂ કરી છે. આ ઉપરાંત મોહાલીની અનેક શાળાઓને પણ ધમકીભર્યો ઈમેલ મળ્યો છે. ગઈકાલે ગુજરાતની પણ 50 જેટલી શાળાઓને આવો ઈમેલ મળ્યો હતો.

અમદાવાદ-દાહોદ હાઈવે પર લીમખેડાના ઢઢેલા ગામ પાસે અકસ્માત સર્જાયો હતો. ડ્રાયવર સ્ટીયરિંગ પરથી કાબુ ગુમાવતા કાર પલટી મારી ગઈ હતી. જેમાં ત્રણ લોકોના મૃત્યુ થયા હતા. પોલીસે પહોંચીને વધુ તપાસ હાથ ધરી હતી.

સ્થાનિક સ્વરાજ્યની ચૂંટણી પહેલા રાજ્યમાં આજે  ફાઇનલ મતદાર યાદી પ્રસિદ્ધ થશે.  કેન્દ્રીય ચૂંટણી પંચની મંજૂરી બાદ આ યાદી જાહેર કરવામાં આવશે. ચૂંટણીપંચની વેબસાઈટ પર યાદી પ્રસિદ્ધ થશે.

અમેરિકાના ન્યૂ જર્સીમાં ભારતીય યુવકની ધરપકડ કરવામાં આવી છે. તેના પર બાળકી સાથે દુષ્કર્મનો આરોપ છે. જો આરોપ સાચો સાબિત થશે તો જેલ અને તોતિંગ દંડની સજા થશે.

અમેરિકાના રોડ આઈલેન્ડમાં યુવા આઈસ હોકી મેચ દરમિયાન થયેલા ગોળીબારમાં બે લોકોના મોતના અહેવાલ છે અને હુમલાખોરે પોતે પણ આત્મહત્યા કરી લીધી હોવાની વિગતો છે. પોલીસ વડાના જણાવ્યા અનુસાર, અન્ય ત્રણ ઈજાગ્રસ્તોને ગંભીર હાલતમાં હોસ્પિટલ ખસેડવામાં આવ્યા છે.