19-March-2019

Mobile App
ePaper | Home | Contact Us | Archives   Welcome Guest  | Log In | Register
                     
માણસો અસંતોષને કારણે જીવનપર્યંત શાંતિ મેળવી શકતા નથી - ૧
સિકંદરે નદીના તટે સૂતેલા ડાયોજિનસને બોલાવી લાવવાનો આદેશ સૈનિકોને આપ્યો ત્યારે...

સુખનો પાસવર્ડ - આશુ પટેલ



ગ્રીક ફિલોસોફર ડાયોજિનસ એક વાર નગ્નાવસ્થામાં એક નદીના તટમાં રેતી પર પડ્યા-પડ્યા શિયાળાની એક સવારે સૂર્યસ્નાન કરી રહ્યા હતા. એ વખતે સમ્રાટ સિકંદર તેના લશ્કર સાથે ત્યાંથી પસાર થયો. તેણે જોયું કે એક નિર્વસ્ત્ર માણસ પોતાની મસ્તીમાં નદીના તટ પર સૂતો છે.

સિકંદરે તેના સૈનિકોને આદેશ આપ્યો કે પેલા માણસને બોલાવી લાવો.

તેના સૈનિકો ઉતાવળે ડાયોજિનસ પાસે પહોંચી ગયા. તેમણે ડાયોજિનસને કહ્યું કે ચાલ સમ્રાટ સિકંદર તને બોલાવે છે.

ડાયોજિનસ શાંતિથી પડ્યા રહ્યા. તેમણે પૂછ્યું, કોણ સિકંદર?

સૈનિકોને ગુસ્સો આવ્યો. તેમણે કહ્યું, જેને આખી દુનિયા ઓળખે છે એવા સમ્રાટ સિકંદરને તું નથી ઓળખતો? તત્કાળ ઊભો થા અને સમ્રાટ સિકંદર સામે હાજર થા.

ડાયોજિનસે કહ્યું, જાઓ, મારે કોઈ સિકંદરને મળવું નથી.

સૈનિકોએ કહ્યું, મૂર્ખ માણસ, તું મૃત્યુને આમંત્રણ આપી રહ્યો છે. સિકંદરના આદેશનો અનાદર કરનારાએ મૃત્યુને ભેટવું પડે છે. થોડી ક્ષણોમાં તારો શિરચ્છેદ થઈ જશે.

ડાયોજિનસે કહ્યું, મારું મસ્તક તો ક્યારનું અલગ થઈ ચૂક્યું છે. મેં મારા અહંકારને મારી નાખ્યો છે. જે માણસમાં અહંકાર જીવતો હોય તેણે પોતાનું માથું કપાવાની ચિંતા કરવાની હોય. મારે એવી કોઈ ચિંતા કરવાની જરૂર નથી!

સૈનિકોને માટે એ મહાન ચિંતકની વાત સમજવાનું અત્યંત કઠિન હતું. તેમને લાગ્યું કે આ કોઈ પાગલ માણસ લાગે છે. તેઓ સિકંદર પાસે પાછા ગયા. તેમણે કહ્યું કે એ માણસ તો પાગલ લાગે છે. તેણે તમારી પાસે આવવાની ના પાડી દીધી.

સૈનિકોને હતું કે સમ્રાટ સિકંદર તે માણસનો શિરચ્છેદ કરી નાખવાનો આદેશ આપશે, પરંતુ સિકંદર વિચારમાં પડી ગયો કે આ કોઈ અનોખો માણસ હોવો જોઈએ જે મને મળવા આવવાની ના પાડી શકે. તે સામે ચાલીને ડાયોજિનસ પાસે ગયો.

ડાયોજિનસ આકાશ તરફ જોઈ રહ્યા હતા. સિકંદર તેમની પાસે ગયો. તેણે પૂછ્યું, તમે કોણ છો?

ડાયોજિનસે કહ્યું, હું ડાયોજિનસ છું.

સિકંદરે ડાયોજિનસ વિશે ઘણું સાંભળ્યું હતું, પણ તે ક્યારેય તેમને મળ્યો નહોતો. તેણે ડાયોજિનસને કહ્યું, તમને મળીને મને આનંદ થયો.

સિકંદરને હતું કે ડાયોજિનસ પણ તેને કહેશે કે તમને મળીને મને પણ આનંદ થયો. પણ ડાયોજિનસે એવું કશું કહેવાને બદલે તેને અણધાર્યો સવાલ કર્યો.

વાત થોડી લાંબી છે એટલે કાલે પૂરી કરીએ.

આપનું મંતવ્ય
Indic Character Map
Name
ફીડબેક
Verification Text  * Type below text for verification

j16i402
ભાષા   યોગ્ય ભાષા પસંદ કરો
Copyright © 2000-2001 Bombay Samachar.
Reproduction in whole or in part without written permission is prohibited.
Designed, Developed & Maintained By : www.soft-mac.com