25-April-2019

Mobile App
ePaper | Home | Contact Us | Archives   Welcome Guest  | Log In | Register
                     
મેટ્રો-ટુએ અને મેટ્રો-૭નું પાયાનું ૮૫ ટકા કામ પૂરું
ટૂંક સમયમાં મેટ્રોના ટ્રેક બેસાડવાનું કામ શરૂ કરાશે

(અમારા પ્રતિનિધિ તરફથી)

મુંબઈ: શહેરમાં મુંબઈ મેટ્રોપોલિટન રિજન ડેવલપમૅન્ટ ઑથોરિટી (એમએમઆરડીએ) દ્વારા અનેક મેટ્રો પ્રોજેકટનું કામ હાથ ધરવામાં આવ્યું છે ત્યારે મેટ્રો-ટુએ અને મેટ્રો-૭નું મોટા ભાગનું ફાઉન્ડેશન વર્ક (પાયાનું કામ) પૂર્ણ થઇ ગયું છે. બીજી બાજુ ટૂંક સમયમાં મેટ્રોના ટ્રેક બેસાડવાનું કામ પણ શરૂ કરવામાં અવાશે.

અનેક સમસ્યાઓ વચ્ચે આ બંને મેટ્રો કોરિડોરનું કામ સતત આગળ વધી રહ્યું છે. મેટ્રો-ટુએ અને મેટ્રો-૭ લાઇનનું ૮૫ ટકા ફાઉન્ડેશન વર્ક, ૬૯ ટકા પિલર ઊભા કરવાનું કામ અને ૫૦ ટકા ગર્ડર લોન્ચ કરવાનું કામ સફળતાપૂર્વક પાર પડ્યું છે. વધુમાં આ બંને મેટ્રો લાઇનના તમામ સ્ટેશનનું કામ પણ શરૂ છે. ઑથોરિટીને મેટ્રોના ટ્રેક્સ ઉપલબ્ધ થઇ ગયા છે. ટૂંક સમયમાં તેને બેસાડવાનું કામ શરૂ કરવામાં આવશે. શુક્રવારે એમએમઆરડીએના એડિશનલ મેટ્રોપોલિટન કમિશનર પ્રવીણ દરાડેએ મેટ્રોના કામનું નિરીક્ષણ કર્યું હતું. તેમણે ચોમાસા પહેલા દહિસર-ડી.એન.નગર મેટ્રો-ટુએ અને અંધેરી (પૂર્વ)-દહિસર (પૂર્વ)-મેટ્રો ૭નું તમામ સિવિલ વર્ક પૂર્ણ કરવાનો નિર્દેશ સંબંધિત કોન્ટ્રાકટરને આપ્યો છે, જેથી કરીને બેરિકેડ્સ હટાવીને વાહનો માટે માર્ગ મોકળો કરી શકાય. ઉ

આપનું મંતવ્ય
Indic Character Map
Name
ફીડબેક
Verification Text  * Type below text for verification

7646q246
ભાષા   યોગ્ય ભાષા પસંદ કરો
Copyright © 2000-2001 Bombay Samachar.
Reproduction in whole or in part without written permission is prohibited.
Designed, Developed & Maintained By : www.soft-mac.com