18-February-2019

Mobile App
ePaper | Home | Contact Us | Archives   Welcome Guest  | Log In | Register
                     
૧,૧૦૧ દંપતીએ શહીદોને આપી શ્રદ્ધાંજલિ
ખર્ચ ઓછો કરવા સમૂહલગ્ન કરવા જરૂરી: ફડણવીસ

શ્રદ્ધાંજલિ... આસનગાંવ ખાતે આયોજિત સમુહ લગ્ન સમારંભમાં ૧,૧૦૧ આદિવાસી દંપતીએ શહીદોને શ્રદ્ધાંજલિ આપ્યા બાદ પ્રભુતામાં પગલા માંડ્યા હતા.



મુંબઈ: શાહપુર તાલુકાના આસનગાંવ ખાતે આયોજિત આદિવાસી સમુદાયના સમૂહ લગ્ન પ્રસંગે પુલવામામાં થયેલા આતંકવાદી હુમલામાં શહીદ થયેલા જવાનોને લગભગ ૧૧૦૦થી વધુ દંપતીએ ભાવપૂર્ણ શ્રદ્ધાંજલિ આપવામાં આવી હતી. આ પ્રસંગે મુખ્ય પ્રધાન દેવેન્દ્ર ફડણવીસ પણ ઉપસ્થિત હતા.

આસનગાંવમાં રવિવારે આયોજિત સમૂહ લગ્ન કાર્યક્રમમાં ૧,૧૦૧ આદિવાસી દંપતી લગ્નની ગાંઠે બંધાયા હતા. આ કાર્યક્રમમાં બોલતી વખતે ફડણવીસે જણાવ્યું હતું કે વ્યક્તિગત લગ્નમાં થતા ખર્ચને ઓછો કરવા મોટા પાયે સમૂહ લગ્નનું આયોજન કરવું જોઇએ.

આદિવાસી સમુદાયની પ્રશંસા કરતા ફડણવીસે જણાવ્યું હતું કે આદિવાસીઓએ ખરા અર્થમાં જળ, જમીન અને જંગલની જાળવણી અને દેશની સંસ્કૃતિનું રક્ષણ કર્યું છે. સમૂહ લગ્નમાં સહભાગી થનાર પાંચ દંપતીને મંગલસૂત્ર અને ઘરવખરી તેમ જ કેન્દ્રની ઉજ્જવલા યોજના હેઠળ ગેસના કનેકશન આપવામાં આવ્યા હતા.

દરમિયાન ભાવલી ડેમમાંથી શાહપુરને પાણી આપવા અંગેની તમામ પ્રક્રિયા પૂર્ણ થઇો ગઇ છે. મહારાષ્ટ્ર વોટર રિસોર્સીસ રેગ્યુલેટરી ઑથોરિટી પાસેથી મંજૂરી મળ્યા બાદ પાણીનો પુરવઠો શરૂ કરવામાં આવનાર હોવાનું ફડણવીસે જણાવ્યું હતું. તે સિવાય શાહપુરની વિવિધ સમસ્યા મુદ્દે સરકાર ધ્યાન આપશે, એવી તેમણે ખાતરી આપી હતી. (પીટીઆઇ)

આપનું મંતવ્ય
Indic Character Map
Name
ફીડબેક
Verification Text  * Type below text for verification

lT8068ld
ભાષા   યોગ્ય ભાષા પસંદ કરો
Copyright © 2000-2001 Bombay Samachar.
Reproduction in whole or in part without written permission is prohibited.
Designed, Developed & Maintained By : www.soft-mac.com